di: Bosetti - L.Carcano

Per tucc quèj che voeuren cantà ona canzon
balorda e strampalada, con la musica che se sent
e che del success ghe impòrta nient.

L’è bèlla nò, l’è bèlla sì, uè la canzon l’è quèsta chì.

Tutt i dì gh’è on quaicòss che fa stremì
men che i dònn cont i bèi gamb e i minigònn;
el mond l’è bèll, l’è on ritornèll
come i promèss gh’è tanta gent che fann i scior cont i tangent.

A lavorà bisògna andà, ma pian pianòtt senza sudà,
come chi là del Parlament, bon de parlà, combinen nient.

L’è bèlla nò, l’è bèlla sì, uè la canzon l’è quèsta chì.

Tutt i ser van a divertìss senza penser
troeuva l’amor e pensegh nò s'te ghe i dolor;
el mond l’è bèll col sô e i stèll
con l’acqua ciara de sorgent e l’allegria de la gent.

Se tira el vent me frega nient
ona ridada e son content.

Canzon balorda, uè ve l’hoo dii
nient de special, l’è tutta chi.

musica

Se tira el vent me frega nient
ona ridada e son content.

Canzon balorda, uè ve l’hoo dii
nient de special, l’è tutta chi.

L’è bèlla nò, l’è bèlla sì,
se la te pias canta anca tì.