Stampa

di: Nino Rossi

 

 

A tì Milan città meravigliosa,
te ‘n disen ‘dree de tutt' i qualità.

Che te see brutta, frèggia, vanitosa,
lassa che disen tì dagh minga a trà.

Tì te see bèlla e basta.
Inutil i comment
e nanca a fall appòsta gh’è bèlla la soa gent.

Canti per cantà Milan,
con pòca vos e ona ghitara in man,

ma se cantarii con mì,
farèmm on "coro" de fà sbalordì.

Cantarèmm bèlla Milan,
con tanti vos e cent ghitar in man,

numm e quèi d’alter paes,
che dent al coeur se senten milanes.

Se me se offriss la magica bacchètta
per trasformà Milan 'me voeuri mì,

ghe cambiaria nanca ona foppètta,
perchè la mia città l’è bèlla inscì.

Gh’è nò ‘l ciel de “cobalto”,
gh’è minga ‘l “mare blu”,

l’è nò per fà ‘l bauscia,
però Milan e poeu pù.

Canti per cantà Milan,
con pòca vos e ona ghitara in man,

ma se cantarii con mì,
farèmm on "coro" de fa sbalordì.

Cantarèmm bèlla Milan,
con tanti vos e cent ghitar in man,

numm e quèi d’alter paes,
che dent al coeur se senten milanes.

musica

Cantarèmm bèlla Milan,
con tanti vos e cent ghitar in man,

numm e quèi d’alter paes,
che dent al coeur se senten milanes.

lentamente

Canti per cantà Milan,
con pòca vos e ona ghitara in man,

ma se cantarii con mì,
farèmm on "coro" de fa sbalordì.

Cantarèmm bèlla Milan,
con tanti vos e cent ghitar in man,

numm e quèi d’alter paes,
che dent al coeur se senten milanes,

numm e quèi d’alter paes,
che dent al coeur se senten mi-la-nes.