di: Aurelio Barzaghi

Canti per on amis coi cavèi gris
canti e tutt’i dì ona ruga in pù
canti ai mè penser che volen via
canti per quèi che mètt in lètt i fioeu
e poeu stann lì, stann lì a cuntà
la stòria che fa indormentà.

Per la dòna del mè coeur
canti ona canzon d’amor
per i dì de giòia e de dolor
a ona sera de magia
fra el profumm de biancheria
a on amor che va pù via.

Canti per on amis coi cavèi gris
canti e tutt’i dì ona ruga in pù
canti per quèi che dis: “voeuri andà via”
canti per quèi che resta domà perchè
se manca on fioeu, marì ò miee
tutt l’òr del mond l’è minga assee.

Per la dòna del mè coeur
canti ona canzon d’amor
per i dì de giòia e de dolor
a ona sera de magia
fra el profumm de biancheria
a on amor che va pù via
a on amor che va pù via.