di: Roberto Minotti

Italia patria di bèi canzonètt,
d’ògni paes ognun col sò dialètt
canzon d’amor se canten motivètt originai
cantèmm l’Italia in on bèll festival.

“Sciuri sciuri” canta el sicilian
“O sole mio” da bon napoletan
“Roma non fa la stupida” stasera cantarèmm
“Firenze in riva all’Arno” sognarèmm.

Numm che de Milan cantom i canzon
ch’èmm lassaa sconduu in d’on canton
fèmm ona sfilada d’ògni paes
sì, cantèmm l’Italia in milanes.

musica

E rivarèmm su in alt pian pianin
con “la biondina in gondoeta” andiam,
“ma se ghe pensu alua rivedo u mare” el genoves
“piemuntesina bella” in torines.

Numm che de Milan cantom i canzon
ch’èmm lassaa sconduu in d’on canton
fèmm ona sfilada d’ògni paes
sì, cantèmm l’Italia in milanes.

Basta ona ghitara e on po’ de gent
per vèss pussee allegher e content
fa nient se poeu a capì se fa fadiga,
quèll se sa,
cantèmm l’Italia insèma a ògni città,
cantèmm l’Italia insèma a ògni città,
cantèmm l’Italia insèma a ògni città.