Cantà in milanes - Cabaret Milano Duemila

di: Giorgio Danese

 

 

Milan te voeuri ben e mì te canti
me spaccaroo i polmon però te canti
con la ghitara e tanti bei canzon
foo el menestrell in gir per i rion.
La corr la vos in sul Navili grand
la rid la Madonina sora ‘l dòmm
on ciocch el parla seri a on lampion
ormai l’è nòtt in gir gh’e pù.

Milan te voeuri ben
te see la vita mia
in ògni tò canton gh’e ona poesia;
ormai se parla ingles
l’è pròppi ona mania
senza pretes mì canti in milanes.

La luna su in del ciel inargentada
la ciama i stell per fa ona serenada
l’è minga on sògn ma l’è ona realtà
del mè Milan mì sont innamoraa.
La Darsena la fa de spegg ai cà
coi primm rumor se sveglia la città
de tant in tant se pizza on quaj ciarin
se sent anmò parlà in meneghin.

Milan te voeuri ben
te see la vita mia
in ògni tò canton gh’e ona poesia;
ormai se parla ingles
l’è pròppi ona mania
senza pretes mì canti in milanes.

musica

Milan te voeuri ben
te see la vita mia
in ògni tò canton gh’e ona poesia;
ormai se parla ingles
l’è pròppi ona mania
senza pretes mì canti in milanes.

 

Cerca

Facebook!