Cantà in milanes - Cabaret Milano Duemila

di: G.Margorani - F.Patterlini

 

 

Numm che vivom a Milan
sentom che semper i canzon napoletan
vègnen tanto esaltaa
come se ghe fudèss nient’alter de cantà:
se ghe pensom seriament
se accorgiarèmm che de canzon in milanes
ghe n’è intorna cent a cent
cantèmm Milan cont tutt el sentiment.

Quand gh’èmm voeuia de cantà
trèmes insèmma in compagnia,
dèmes de fà
e cantèmm ‘me voeurom numm
i milanes gh’hann de invidià nient a nissun.
Fèmm capì a tutta la gent
che gh’è coltura e poesia anca chì
che Milan la gh’ha ona ment
e che se canta tanto ben inscì.

Numm sèmm semper ben content
me fa piasè se tutti gh’hann del sentiment
e col nòster lavoraa dèmm ona man
a trasformà ‘sta gran città.
Numm capisom che Milan
la gh’ha bisògn de vèss in moviment
per vèss semper on doman
e fagh contenta tutta la soa gent.

musica

Se l’è vera che Milan
l’è óna città che la va cont el progrèss
numm sèmm gent col coeur in man
e cantarèmm in milanes istèss:
numm sèmm gent col coeur in man
e cantarèmm in milanes istèss.

Cerca

Facebook!