di: Franco Patterlini

Da l’alt del ciel vègn giò ona vos
che per virtù ò per magia
de nòtt e dì me pòrta via
el trist amar di mè penser.

Quand a l'è magg fioriss i ròs,
de primavera a l'è la fèsta,
senza l'amor nissun el rèsta
e on sògn gentil el vola in ciel.

Me scor dedent di vènn
on desideri che
el voeur cantà con mì,
sognà, sognà, sognà...
e dòpo poeu cantà...
coi sentiment seren
per viv cont i dolcèzz
vestii de poesia.

Me pias sognà stasera
coi coeur discompagnaa
che cerchen l'ideal
su i al de poesia.

L'è tanto bèll fermà
el nòbil dolz moment
che in de la ment
tranquillament el passa.

musica

E dòpo poeu cantà…
coi sentiment seren
per viv cont i dolcèzz
vestii de poesia.

Estrosa ona passion
graziosa e lusinghiera
la voeur insèma a mì
sognà, sognà, sognà,
con tanta voeuja adòss
de vèss di mè penser…
di mè penser…
la spòtica regina.

Innamoraa de tanti bèi canzon,
me pias sognà, me pias cantà.
De sòtt d'on ciel celèst sfumaa de ròsa
cantà, cantà… Sognà.