Brilla Madonina - Cabaret Milano Duemila

di: Aurelio Barzaghi

 

Brilla, brilla, brilla Madonina
e risciara el Lamber pien de s’ciuma
brilla, brilla che gh’è i ratt che balla
in mèzz ai strasc e i tòll de Còca Còla
la par ona barca, ona soeula de scarpa
vai, vai…
Brilla, brilla, brilla Madonina
e risciara on ombra che cammina
brilla, brilla, che gh’è la befana
che pòrta a spass i sacch de mariuana
foeura de scòla, giò la cartèlla
vai, vai…

Và, libertà, dèrva i al vola e và.
Và, libertà, dèrva i al vola e và.
Brilla Madonina che de bass
la gent la fa fadiga a saludass,
brilla Madonina del me coeur
che adasi adasi el tò Milan el moeur.

….

Brilla Madonina del me coeur
che adasi adasi el tò Milan el moeur.

Brilla, brilla, brilla Madonina
tutti i dì per ona settimana
tutti i mes fin alla fin de l’ann
e dagh on oeugg al mè pòr Milan
tutti i dì fin alla fin de l’ann
e dagh on oeugg al mè pòr Milan
e dagh on oeugg al mè pòr Milan
e dagh on oeugg al mè pòr Milan.

Cerca

Facebook!