Brianza verda - Cabaret Milano Duemila

di: Luigi Carcano - Claudio Merli
Edizioni: Brocca

 

 

Deslengua el giazz in vètta
e rifioriss al pian
el verd de la Brianza
intorna ai lagh.

On bagaiòtt ch'el canta
me mètt in de la ment
anmò la narcisada
sul "Bus del Piomb".

Se l'anima l'è verda,
adèss cont el progrèss
te gh'heet on còrp moderno
pien de difètt.

Brianza verda generosa e bèlla,
cambien i temp e tì te see pù quèlla,
de quand el Dòn Lissander con la pènna
l'ha miss i tò virtù denanz del mond.

Brianza bèlla, fior de fantasia,
t'hee conservaa anmò a malapèna
intatta la radis che per magia
la te ridà anmò l'antigh del tò profumm.

El Lamber 'dess el passa
tra 'l fumm di officinn.
E l'acqua bèlla nètta
a l'è on bèll sògn.

El Renzo e la Luzia,
dal ramm del lagh de Còmm
tornen quand l'è fèsta
sora di sò pass.

Bèll fior de Lombardia
dedent d'on vas prezios
de mètt in bèlla mostra
al ciar del sô.

Brianza verda generosa e bèlla,
cambien i temp e tì te see pù quèlla,
de quand el Dòn Lissander con la pènna
l'ha miss i tò virtù denanz del mond.

Brianza bèlla, fior de fantasia,
t'hee conservaa anmò a malapèna
intatta la radis che per magia
la te ridà anmò l'antigh del tò profumm.

Fior di rigòrd d'on’ epoca passada
de mètt in de l'oggioeu de la giachètta
del tò vestii quell noeuv
del dì de fèsta.

Cerca

Facebook!