Bèlla Milan - Cabaret Milano Duemila

di: Nino Rossi

 

 

Se ‘l mar con l’onda salada
la toccass la Baia del Re.
Cors San Gottard e Via Meda
sarien pien de forestee.
Fuss Gratasoeuj on’isolètta
pièna de oliv ed agrum
e ben piantada in Conchètta
fuss la montagna col fumm.
Se tutt quèst chi ‘l fuss possibil
ghe sariom minga numm.

Milan, bèlla Milan
te se la mia innamorada
per tì, bèlla città,
hoo pestà ona gran crappada.
Stanòtt, in de per mì,
settaa sù ‘na banchètta
mì voraria vèss poètta
e cantà Milan.

Se ‘l paradis che promètten
el fuss bèll come te see.
Se i pastorèi trasportassen
el Vicolin di Lavandee,
se i sant cantassen in “coro”
i canzonètt meneghin
fuss angiolitt e angiolètte
tutt martinitt e stellin.
Se tutt quèst chi ‘l fuss possibil
me faria cappuccin.

Milan, bèlla Milan
te se la mia innamorada
per tì, bèlla città,
hoo pestaa ona gran crappada.
Stanòtt, indepermì,
settaa sù ‘na banchètta
mì voraria vèss poètta
e cantà e cantà
mì voraria vèss poètta
e cantà e cantà Milan.

Milan, bèlla Milan
te se la mia innamorada
per tì, bèlla città,
hoo pestaa ona gran crappada.
Stanòtt, indepermì,
settaa sù ‘na banchètta
mì voraria vèss poètta
e cantà Milan....

 

Cerca

Facebook!