di: L.Moretti - F.Patterlini

A nòrd del nòst Milan gh’è ona vallada
che la ghe manda cont i sò color
profumm de praa, de fen e di sò fior
e quand el ciel l’è ciar a l’orizzont
se veden i collin e i sò montagn.

Bèlla vallada che l’è poeu Brianza,
‘riva on’ariètta fina e delicada
oh che piesè! Sì, finalment se fiada,
respiren i polmon in abbondanza.

La se s'ciariss de nòtt ‘sta meraviglia,
milla ciaritt se pizzen tutt insèma
e paren quasi lusiroeu che volen
che vann a illuminà quèll che ghe pias
a fagh on poo de ciar ai innamorà.

Bèlla Brianza tì, dolza Brianza
tanti poètta t’hann vorsuu cantà
e anca mì che in coeur gh’hoo poesia
te dedichi on penser
e còsì sia.

musica

e anca mì che in coeur gh’hoo poesia
te dedichi on penser
Brianza mia.