di: Nino Rossi

Improvvisament autunn.
De gris opacch se incarten tutt'i cà,
come on fantasma se vestiss el Dòmm.
La par in negativa la città.

Autunn.
Filtra, travèrs la nèbbia, on ragg de sô,
che intiepidiss on coeur senza l’amor
de lee che la poggiava i laver sò
su i mè che ne beveven el calor.

Autunn.
Bocca cont el saor de tanti bocch,
che la frustava i mè disperazion,
ridend del mè coeur che l’era a tòcch,
bocca che mì cercavi con passion,
November che me l’ha portada via,
el m’ha daa per compagna la malinconia.

Autunn.
Ona ventada, on brivid su la pèll,
s’è smorzaa el sô, se illumina i insègn.
Ona scampanellada, passa on tramm.
Torna la vita a cancellà on brutt sògn.

Maledèttament autunn,
col sò ricòrd e i giurament mancaa,
coi sò perfidi e i tanti, tanti ingann
e mì stupidament innamoraa.

musica

November che me l’ha portada via,
el m’ha daa per compagna la malinconia.

Autunn.
Ona ventada, on brivid su la pèll,
s’è smorzaa el sô, se illumina i insègn.
Ona scampanellada, passa on tramm.
Torna la vita a cancellà on brutt sògn.