Stampa

di: B.Marchesi - B.Appiani

 

 

Domandass ògni tant
se esist la moral
scoprì perché i persònn
se mazzen tra de lor
egoismo e abbondanza
hinn i frutt del progrèss
l’è minga istèss l’umanità
miseria e famm per scampà
miseria e famm per scampà
l’è minga istèss,
l’è minga istèss l’umanità.

In mèzz a tanta confusion
quanti ròbb se po’ sbaglià
gh’è chi viv moment d’amor
nassuu per vèss bandonaa
gh’è chi viv moment d’amor
e subit dòpo desmentegà.

musica

gh’è chi viv moment d’amor
e subit dòpo desmentegà
moment d’amor
nassuu per vèss bandonaa.

Fòrsi, fòrsi gh’è bisògn
de fermass a riflètt
e capì che tra persònn
per la vita vègh rispètt
ricordà l’è pussee bèll
che se nass per amor
e cont on poo de umanità
calor uman bisògna dàgh
calor uman bisògna dàgh
l’è minga istèss,
l’è minga istèss l’umanità
e per la vita vègh rispètt
oh quanti ròbb se po’ sbaglià
moment d’amor
e subit dòpo desmentegà.