Stampa

di: G.Taddei - Maiolo

 

 

La mia miee la cicciara senza mai tirà el fiaa
la mitraglia de paròll tutta la cà
la te spara l’alfabeto
la te colpiss in del cervèll
da quand me son sposaa mì son pù quèll.
La carega la soa bocca
de vocai e consonant
inscì lee l’è semper pronta
per sparà i bla bla bla bla
bla bla bla bla.

E allora vorì la guèrra
e mì voo a rifugiass a l’osteria
e spari insèma ai mè amis
buscion de Chianti e de Barbera.
Che bèll bombardament
per quèst me senti liber pròppi come ‘l vent
on bottiglion, ona canzon in allegria
oèi dura guerra che mì resisti a l’osteria.

On amis de la mia miee el riva semper col pacchètt
gh'è on quaicòss tra de lor, mì gh’hoo ‘l sospètt
in cà mia gh'è la scòrta de regai e caramèi
mì scrivi su la pòrta “ò bèi ò bèi”.
Parlen semper sòtta vos
sarann ‘dree a parlà de mì?
Con la bocca tutta pièna
per sparà i bla bla bla bla
bla bla bla bla.

E allora vorì la guèrra…

El padron l’è mai content,
gh'è nagòtt che ghe va ben
mì per lù son magia pan a tradiment
el voeur smezzà la contingenza
raddoppià la produzion
inscì lù el rèsta scior e mì barbon.
A l’è pròppi on grass de ròst
el fa i ròbb ch’hinn minga giust
anca lù el dèrva i dent
per sparà i bla bla bla bla
bla bla bla bla.

E allora vorì la guèrra…

musica

Che bèll bombardament
per quèst me senti liber pròppi come ‘l vent
on bottiglion, ona canzon in allegria
ouèi dura guèrra che mì resisti a l’osteria:
ouèi dura guèrra che mì resisti a l’osteria.