di: Nino Rossi

Alta, fra i guli de marmo al ciel protes,
gh’è la Madòna che parla in milanes.

In di nòster coeur, sentom per Lee,
sonà on concèrt de milla campann
milla violin, sònen per Lee
on’ Ave Maria ai sò dusent ann.
Calda carèzza, nòster sorris,
s’giaffa de sô in mèzz a ‘sto gris.
Da l’alta gulia sora de numm
Sciora ammantada d’òr e de fumm
se la te riva, in mèzz al baccan,
‘st’Ave Maria: protegg Milan!

Santa fra i guli che paren sbusà ‘l ciel
sora la Cattedral.