di: Luigi Carcano - Claudio Merli
Edizioni: Brocca

La giòia de quèll dì che t'hoo incontrada
la passa pù tra i piegh de la mia vita.
L’è stòria d'on ricòrd, acqua passada,
sul liber del destin, giamò l'è scritta.
El dolz di tò basitt per on moment
l’haa miss in del mè sangh l’amor ardent.

L’amor amar a l’è ‘na malattia
che spong in fond al coeur e la rigira
dedenter di penser come ‘na stria.
E l’anima gelada la sospira
sperand d’avègh in sòrt i temp miglior
per riscaldàss anmò coi fiamm d’amor.