Stampa

di: Popolare

Click For Printing


On bèll giovin de montagna

el voureva toeu miee:
on bèll giovin de montagna
el voureva toeu miee
l’ha tòlt la Teresina
coi trèzz e coi scarpon
a la mòda, a la mòda, a la mòda di montagnon:
l’ha tòlt la Teresina
coi trèzz e coi scarpon
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

E l’anèll che lù el gh’ ha daa
sì che l’era on bèll anèll:
e l’anèll che lù el gh’ ha daa
sì che l’era on bèll anèll
né d'òr né d’argent,
ma l'era de otton
a la mòda, a la mòda, a la mòda di montagnon:
né d'òr né d’argent,
ma l'era de otton
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El vestii che lù el gh' ha daa
sì che l’era on bèll vestii:
el vestii che lù el gh' ha daa
sì che l’era on bèll vestii,
de pèll de ratt de fògna
con trentases botton
a la mòda, a la mòda, a la mòda di montagnon:
de pèll de ratt de fògna
con trentases botton
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

E i scarpett che lù el gh’ ha daa
sì che eren bèi scarpètt:
e i scarpètt che lù el gh’ ha daa
sì che eren bèi scarpètt
do barchètt senza vela,
con la soeula de buscion
a la mòda, a la mòda, a la mòda di montagnon:
do barchètt senza vela,
con la soeula de buscion
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El prevòst che i ha sposaa
sì che l’era on bèll prevòst:
el prevòst che i ha sposaa
sì che l’era on bèll prevòst
a l’era né grass ne magher,
el gh'aveva on bèll panscion,
a la mòda, a la mòda, a la mòda di montagnon:
a l’era né grass ne magher,
el gh'aveva on bèll panscion,
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El pranzètt che lor hann faa
sì che l’era on bèll pranzètt:
el pranzètt che lor hann faa
sì che l’era on bèll pranzètt
insalata de tomatis,
con l'òli de ravizzon
a la mòda, a la mòda, a la mòda di montagnon:
insalata de tomatis,
con l'òli de ravizzon
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El viaggett che lor hann faa
sì che l’era on bèll viaggètt:
el viaggètt che lor hann faa
sì che l’era on bèll viaggètt
su e giò per i senter
e fin in fond al senteron
a la mòda, a la mòda, a la mòda di montagnon:
su e giò per i senter
e fin in fond al senteron
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El primm fioeu che gh’hann avuu
sì che l’era on bèll fioeu:
el primm fioeu che gh’hann avuu
sì che l’era on bèll fioeu
a l’era ne ross né negher
gh’aveva on bèll boggion
a la mòda, a la mòda, a la mòda di montagnon:
a l’era né ross ne negher
gh’aveva on bèll boggion
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!

El second fioeu che gh’hann avuu
sì che l’era on bèll fioeu:
el second fioeu che gh’hann avuu
sì che l’era on bèll fioeu
el sciusciava minga el latt,
ma ‘l beveva ‘l bottiglion,
a la mòda, a la mòda, a la mòda di montagnon:
el sciusciava minga el latt,
ma ‘l beveva ‘l bottiglion,
a la mòda, a la mòda, a la mòda di montagnon.

Madònna, Signor, se gh’èmm de fa’
l’è ona tosa de maridà!