di: Luigi Carcano; Claudio Merli

On musicant de strada
dedree del sò pianin
on valzer el sonava
sui còrd del sò violin
on concertin che incantava
faa col coeur e con tanta passion
l’è on quadrètt pitturaa su la tela
d’on passaa che ‘l ritornerà pù.
Anmò sòna e risòna violin
fa’ sentì su i tò còrd on’ariètta
che la vola tra i nivol del ciel
e per man d’ona stèlla comèta
la ritorna giò in bass per sentì
on concèrt su la tèrra lombarda
rondenin là su in ciel spensieraa
fann capì che la vita l’è bèlla.

On menestrèll de strada
col coeur tutt sgarbellaa
el fa la soa mognada
domà per ricordà
on concertin che incantava
sul canton de ona strada che poeu
cont el temp la s’è pù ricordada
del violin che sonava per lee.
Anmò sòna e risòna violin
fa’ sentì su i tò còrd on’ariètta
che la vola tra i nivol del ciel
e per man d’ona stèlla comèta
la ritorna giò in bass per sentì
on concèrt su la tèrra lombarda
rondenin là su in ciel spensieraa
fann capì che la vita l’è bèlla.