... E grazie - Cabaret Milano Duemila

di: G. Mangano - F. Patterlini

 

 

Per ringrazià i amis che m’hann seguii
mì son Milan e canti
per ricordà i amis che m’hann capii
ona canzon mì canti.
Per quèi che hann parlaa semper de mì
e m’hann cantaa da semper
se i mè canzon v’hann faa on poo compagnia
e i dispiasè magari hinn volaa via.

Mì son content e canti anmò col coeur
e grazie amis e grazie amis,
mì son content e canti anmò col coeur
e grazie amis e grazie amis.

Hann cantaa de mì l’amor vègg e dònn la nostalgia
anca la scighera, i personagg, i cruzzi e l’allegria.
I milanes el sann che son sincer
come el primm sô in del ciel seren.

Per ringrazià i amis che m’hann amaa
mì son Milan che canti
per ricordà i amis che m’hann lassaa
ona canzon mì canti
per quèi che hann laoraa e costruii
per quèi vegnuu de foeura
la nòstra genuina melodia
con tutt el coeur e senza ipocrisia.

La dis a tutt el mond che voeur sentì
voreves ben, voreves ben.
La dis a tutt el mond che voeur sentì
voreves ben, voreves ben.

musica

Milan coi so canzon, la poesia
sòtta brascètt al ciel de Lombardia
la ve saluda e ve saludi mì
e grazie anmò e grazie anmò.

Cerca

Facebook!