di: G.C. Bellagente

L’è ona canzon giò a la bòna
del mè rion son dree a parlà
visin ai cà gh’hinn là di praa.
Adèss la vita l’è cambiada
gh’èmm del modèrno quèll se sa
son dree a parlà de la mia Isola
on mèzz rion del mè Milan.

Isola, visin a tì gh’è minga el mar,
ma tì per numm te see mondial
la pussee bèlla del creaa.
Isola el tò bèll pont te l’hann s’ceppaa
la via Borsieri e Gariglian
e ‘l vial Zara senza i praa.

Isola l’era bèll el mes de magg
portà i tosann i mèzz ai praa
dagh on basin e poeu scappà.
Isola el soo per mì l’è gran torment
vedè i bèi cà senza ringher
però te voeuri semper ben.

musica

Isola el tò teater el gh’è ancamò
se ciama “Verdi” l’è ‘n gran nòmm
l’è in de la stòria come ‘l Dòmm.
Isola, se soo per mì gh’è nient de fà
son nassuu chì e la mia cà
l’è tanto vèggia, ma sto là.

Isola l’era bèll el mes de magg
portà i tosann i mèzz ai praa
dagh on basin e poeu scappà.
Isola el soo per mì l’è gran torment
vedè i bèi cà senza ringher
però te voeuri semper ben.