di: Mimmo Dimiccoli

Sfoiando i pagin di liber de stòria
se leg indoe se parla de Milan
de quanta gent la s’è copèrt de glòria
per cascià via l’invasor lontan.
Per cinch giornad i nòster antenaa
hann combattuu e salvaa ‘sto bèll paes
l’è staa car el prèzzi che hann pagaa
per dagh la libertà ai milanes.

Milan, Milan ispirazion de musica e poesia
on quader grandios
pitturaa in mèzz a la Lombardia.
Città creada per viv d’amor e de serenità,
ma ‘l tò destin l’è quèll de tribulà
anmò ‘na vòlta te see de salvà.

Se hinn passaa sora tanti ann de guèrra
gh’èmm l’operosità di meneghin
Milan l’è diventada pussee bèlla,
ma se pò mai stà in pas on ciccinin.
Se gh’ha paura quand ven giò la sera
gGirà cont in saccòccia quatter ghèi
l’è pesg che vèss in la legion straniera
adèss se fèmm la forca tra fradèi.