di: Pinchi; Donida

Quand seri anmò student e me piaseva giavanà
davanti alla mia scòla ona pivèlla on dì hoo incontraa
in testa la gh’aveva ona scuffiètta berettin
d’on color ross sciresa cont in mèzz on fiocchettin
e mì per fà per spirit hoo provaa a digh inscì:
cinch ghèi de pù, ma ross, ma ross, ma ross
col fior che te gh’è in tèsta l’era pròppi de cattà
cinch ghèi de pù, ma ross, ma ross, ma ross
gh’hoo dii on altra vòlta e finalment la m’ha guardaa.

Èmm passeggiaa on poo insèma
cicciaraa on poo on ciccinin
hoo tentaa poeu de basala
e hoo ciappaa-sù anca on s’giaffottin.
Cinch ghèi de pù, ma ross, ma ross, ma ross
e dòpo alla fin fin sèmm diventaa moros. 

Se sa cosa succed quand se comincia a innamorass
se rid poeu se litiga e poeu se torna a fà la pas
appontament incoeu appontament a l’indoman
èmm portaa in gir i sògn per tutt i viai del nòst’ Milan.

Che bèll stringet visin parlà ògni tant del berrettin
cinch ghèi de pù, ma ross, ma ross, ma ross
col fiocchettin in testa a l’era pròppi de cattà
e andando insèma a spass, a spass, a spass
l’è cominciaa la stòria della mia felicità.

Naturalment se sa che cicciaravon on ciccinin
de tant in tant ghe davi e ghe robavi on quai basin
cinch ghèi de pù, ma ross, ma ross, ma ross
e on dì alla fin fin sèmm diventaa duu spos.

musica

On dì per finì l’òpera l’è nassuu on bèll pattanin
con quatter cavèi ross come el mè nòno Luisin
cinch ghèi de pù, ma ross, ma ross, ma ross
gh’èmm insegnaa anca a lù cinch ghèi de pù, ma ross.