di: Carcano Luigi; Merli Claudio

La in Calusca, de sòtt, in cantina,
biciclètt e la scèlpa del gir,
l’è sparida pian pian in sordina,
de quèll temp gh’è domà el souvenir.

Del Tecoppa Felice modèrno
el “night club“ l’hann dervii tra i vègg cà
e de nòtt, isolaa de l’esterno,
gh’è on salon con dò pist per ballà.

Romantica città coi tò baler
ormai tì te see pù quèlla de ier.
Gh’è l’acqua in del laghètt senza barcon,
la fera la gh’è pù longh i bastion.
T’hee trasformaa i tò strad e i vègg tramvai
t’hee faa sparì i brumista e i sò cavai.
A San Sir per cambià la campagna
tra l’Olòna e sui fòss secolar,
per adèss t’hee faa su ‘na montagna
fòrsi on dì te faret anca el mar.

Ma del Danzi e del Bracchi in sordina,
tra i orchester de ball ‘merican
la risòna i canzon l’orchestrina
che la ruga i ricòrd de Milan.