di: Nocilla Paola; Pinotti Vittorio
L’operari del verzee el va a lavorà
quand el sô l’è ancamò de spontà
l’ha traa-sù da la soa front de fadiga
per quatter ghèi giamò impegnaa.
A la soa dòna el ghe regala mai di fior,
ma on mazzètt de erborin e cavolfior
ona branca de insalata novellina
l’è ona manera per dì
te voeuri ben in sordina.
El gh’ha dò man de facchin pien de cai
e in di sò oeugg ona vita de guai
in de la ment tanti sògn perduu via
in del cœur on amor
coloraa de fantasia.
L’operari del verzee el torna a cà
quand el sô el se prepara a tramontà
paren tutt matt, quèst l’è vera,
ma in del coeur gh’hann semper la primavera.
musica
El gh’ha dò man de facchin pien de cai
e in di sò oeugg ona vita de guai
in de la ment tanti sògn perduu via
in del cœur on amor
coloraa de fantasia.
L’operari del verzee el torna a cà
quand el sô el se prepara a tramontà
paren tutt matt, quèst l’è vera,
ma in del coeur gh’hann semper la primavera.