di: Mimmo Dimiccoli

Se te voeuret passà ‘na giornada
bèlla e pièna de felicità
salta sù sul barcon che in crociera
da Cuggiònn el te pòrta in città
l’è on spettacol meraviglios
tra campagna e casètt diroccaa
te va via tutt el nervos
te ven voeuja domà de cantà.

Ma che bèll navigà in sul navili
fass cunà in su l’acqua pian pian
tra el profumm de la tèrra lombarda
in mèzz al verd che circonda Milan
ona musica allegra e ’l barbera
t’accompagna fin a Pòrta Cines
indoe ormai la finiss quand l’è sera
la crociera di milanes.

Per la grand occasion la mattina
se vestiss tutt a fèsta el barcon
par de vèss su ‘na riva marina
con cadregh, tavolin e ombrellon
gh’è chi ciappa dò ciocch de filada
chi continua a mangià tutt el dì
quèll che ‘l vosa a ‘na tosa per strada
bèlla giòia ven chi insèmma a mì.

Ma che bèll navigà in sul navili
fass cunà in su l’acqua pian pian
tra el profumm de la tèrra lombarda
in mèzz al verd che circonda Milan
ona musica allegra e ’l barbera
t’accompagna fin a Pòrta Cines
indoe ormai la finiss quand l’è sera
la crociera di milanes
indoe ormai la finiss quand l’è sera
la crociera di milanes.