di: Luigi Carcano; Claudio Merli

Dal scòss del sò poggioeu
l'ha dii che cont incoeu
l'ltalia de perlee
la tira là a campà

Per tegnì in pee la nòstra pòra Italia,
la gent cont el magon,
l'ha nò perduu i speranz
che cont el temp la sòrt la se cambiava.

In quèll ritaj de temp
per lee l'è staa tant bèll
de dagh tutt el sò ben
al capp di meloner.

Però, quand i fortunn hann cambiaa strada,
el capp di meloner
a l'è restaa padron
domà d'on pugn de mosch e pù nagòtta.

E con tutt quèst per lee
gh'è pròppi cambiaa nient.
Per man insèma a lù
l'ha poeu spartii la sòrt.

Milan, Piazzal Lorètt, l'ultima tappa
indoe se conclud
la stòria d'on amor
ch'el rèsta scritt sui pagin de la stòria.

El vinticinch april
ormai a l'è on rigòrd.
Ripòsa in pas Clarètta!
La guèrra l'è finida.