di: Aurelio Barzaghi

Milan, Milan, Milan
Milan Stazion Central
Milan sala d’aspètt
vun, duu, trii, quatter, cinch, sés e sètt.

Sètt barbon che dòrma in tèrra
sètt monton de strasc che quatta i òss
sètt coi oeugg del temp de guèrra
e in del nas l’odor d’ona briòsc.

Milan, Milan, Milan
Milan che bèi fagòtt
Milan, Milan, Milan
Milan te scondet via de nòtt.

Milan de travestii
Milan di dònn de  strada
Milan de gent che viv
giornada per giornada

Milan senza i bastion
Milan la cà de tucc
Milan, Milan, Milan
sarèmm-sù i oeugg.

Siringh al pòst di fior de primavera
e gent sarada in cà de prima sera
quaicòss a la tv
e poeu se va a dormì
Milan, Milan, Milan te see pù tì.

Milan, Milan, Milan
Milan che bèi fagòtt
Milan, Milan, Milan
Milan te scondet via de nòtt.

Milan de travestii
Milan di dònn de  strada
Milan de gent che viv
giornada per giornada

Milan senza i bastion
Milan la cà de tucc
Milan, Milan, Milan
sarèmm-sù i oeugg.

Hoo vist Milan che nass
hoo vist Milan che crèss
hoo vist Milan che moeur
e me se streng el coeur.