Stampa

di: W.Valdi - G.Ceppi

 

Sii mai staa su a cà mia?
Sto al quart pian d’ona rattera
col confòrt d’ona ringhera
e ve par nient a Milan smistament.

Settaa giò su ona cadrega
el coo poggiaa su la ringhera
mì sto là fin a la sera
a guardà….nient… a Milan smistament.

Vagoni, vagoni, vagoni, milion de vagoni
binari, binari, binari, milion de binari
tutt fermo, immòbil, statuari.

Ma vorì mètt la mia emozion di noeuv e sètt
quand passa el mèrc, orca, ‘me l’è bèll
….sessantun, sessantaduu, sessantatrii…
par nò, ma hinn tanti
sessantatrì…. Come la farà a tirai tucc?
Ier però ne tirava vun de pù.

Passa el dì, riva la sera
poeu de nòtt che me frastorna
l’è on rumor che gira intorna
vun de nient….a Milan smistament.

Sari i oeugg, vedi i vagoni
indormentass sora i binari
che cuccia de quatter fari
paren d’argent… a Milan smistament.

Vagoni, vagoni, vagoni, milion de vagoni
binari, binari, binari, milion de binari
tutt fermo, immòbil, statuari.

Ma vorì mètt la mia emozion quand sòna i sètt
riva el primm mèrci…
…se me sbagli nò quèst chì el gh’ha de vèss on misto
Merci deperibili….de-pe-ri-bili
….sessantun, sessantaduu, sessantatrì…
settantacinch….vottanta….vottantun…vottantaduu…
vottantatrì… vottantaquatter…
òstia ohevi…. El finiss pù…
adèss poeu ghe n’è vun ai sètt e dodes…
poeu gh’è quèll di noeuv e sètt, des e trii,
vundes e on quart, e poeu dodes e sètt….