di: Mimmo Dimiccoli

Per mì gh’è nient de mèj che andà la sera
in d’ona piòla con ghitarra in man
cantà in meneghin e fà in manera
de famm capì quand parli de Milan.
Che bèll ‘scoltà “Oh mia bèlla Madonina”
se on còro improvvisà el me rispond:
la nòstra l’è ona Madòna pellegrina
che numm pòrtom in gir per tutt el mond.

Milan, ve ‘l disi mì
per minga fagh dispètt
se dev cantala inscì col sò dialètt, eh sì.
E a chi ‘l rièss nò a capì
regali la melodia, con mì se passa on ora in allegria.

Me pias de tant in tant tornà all’antiga
e fagh i serenad ai bèi tosann
sonà e cantà per mì l’è nò fadiga
e son mai stuff se parli de Milan.
Se poeu la nòtt l’è tèvida e serèna,
e a ona finèstra sponta on bèll faccin
se nascond anca la luna pièna
per invidala giò a damm on basin.