Stampa

di: F.Olivari; G.Pizzamiglio

 

S’hinn daa appuntament i milanes
e in sul sagraa del Dòmm hinn ‘dree a cuntass
sessantamila sèmm ‘me on gròss paes
giugom a te ghe l’hee, che bèll ciappass.
El vanto de metròpoli e progrèss
se paga in tribuleri che toeu el fiaa,
ma se come se sia Milan l’è adèss
pensi che i lavativ gh’hann minga età.

Milan l’è inscì e se pò nò cambiala
vivèmm in pas, inutil cinquantala
al fond de mar l’è mai tornada indree
e l’ha spartii el sò pan coi forestee.
‘me ona ribalta soggett sul scenari del mond
che guarda nò a la pèll, ma al sò profond,
per recità la soa part al sò moment
l’è sòtta on scossaa d’òr la brava gent.

Se illumina d’argent la galleria
vol de pivion concèrten la realtà
svaniss el sògn, gh’è on ciel de soravia
che ‘l gh’ha i color de tutta l’umanità.
Milan di milanes l’è là per ari
e in del sò coeur la rèsta tal e qual
e se di vòlt mastegom cent rosari
numm sèmm e restarèmm sentimental.

Milan l’è inscì e se pò nò cambiala
vivèmm in pas, inutil cinquantala
al fond de mar l’è mai tornada indree
e l’ha spartii el sò pan coi forestee.
‘me ona ribalta soggett sul scenari del mond
che guarda nò a la pèll, ma al sò profond,
per recità la soa part al sò moment
l’è sòtta on scossaa d’òr la brava gent,
per recità la soa part al sò moment
l’è sòtta on scossaa d’òr la brava gent.