di: Aurelio Barzaghi

E se stasera gh’è la nostalgia
che ‘dasi ‘dasi la me pòrta via
e se ona vòlta tant pian pian la riva
e la me pòrta a spass la lassi fa.

E se stasera gh’è la nostalgia
che cerca el mè dialètt in ògni strada
guarda che adèss però l’è giò de mòda
el sta de cà in del coeur de quèi ‘me mì.

Canti per tì Milan per ona sera
canti per tì Milan col gropp in  gola
sarà ona malattia ciappada in gioventù
Milan e poeu, Milan e poeu pù.

E se stasera gh’è la nostalgia
che cerca el mè dialètt in ògni strada
el ciel stasera a l’è ona serenada
Milan l’è ona finèstra illuminada.

Canti per tì Milan per ona sera
canti per tì Milan col gropp in  gola
sarà ona malattia ciappada in gioventù
Milan e poeu, Milan e poeu pù.