di: Franzetti L.

Soo pù ‘se scriv ormai del mè Milan
ògni riferiment l’è tròpp lontan
l’è inutil che ve parli di Navili
hinn domà fòss tutt pien de catanai.
A gh’è sparii perfin la nòstra nèbbia
che l’ovattava tutta la città
sentivi domà i zoccor di cavai
e gh’era tanta nev fin a febbrar.
El nòster oratòri in mèzz ai praa
a l’è sparii hann faa on supermercaa
perfin el mè prevòst a l’è scappaa
a gh’è domà albanes e vucumprà.

E tutt i ser el va on poo in gaina
el nòster bèll Milan in cartolina
i nòster bilocai su la ringhera
cont i servizzi indoe te vorevet tì.
Ma pensa, ghe ciamaven "i ligera"
per via di polee e la borsa nera
ò per on petard sora i rotai
per fà stremì in sul tramvai.

In di nòst’ strad adèss fann el ramadan
hann faa persin scappà i nòster ran
sarà perchè son vègg e ghe vedi pù,
ma nanca el mè dialètt el senti pù.

Ma dai Giovann che fèmm ona cantada
fa nient se ormai la vioeula l’è stonada
pensa domà che numm el paradis
l’èmm giamò vist perchè l’era pròppi chì.
Ma dai Giovann che fèmm ona cantada
fa nient se ormai la vioeula l’è stonada
pensa domà che numm el paradis
l’èmm giamò vist perchè l’era pròppi chì.