di: CantaMilano

Me son trovaa a girà per i locai
rièssi nò a capì cosa gh’è succèss
son ‘ndaa al ristorant de la Magolfa
al pòst de trovà el Ginètto gh’era i cines.
Cercavi la Luisa e la gh’è pù
da on pèzz anca lee l’ha saraa su
per andà avanti lee la doveva cercà
on milanes per coeugh, l’ha no trovaa.

Ona sera sont andaa in via Conchètta
la gh’era la Soraia la soubrett
in cambi del pardon quèll italian
me son trovaa de front on egizian.
A furia de girà me son stremii
giravi come on pirla in depermì
in cerca de on quaidun che me diseva
perchè Milan ridòtta a ‘sta manera?

Sperèmm che ciappen minga el sopravvent
perchè a mangià mì mangi in milanes
contrariament sarèmm tucc destinaa
cines ò egizian gh’èmm de mangià.
Per vèss on ottimista son sicur
de milanes a Milan ghe n’è ancamò
hinn bravi a preparà on bon risòtt
cazzoeula, on panatton e vin stracòtt.

E intant che mì giravi l’hoo capii
ò andà in Cina ò a cà in depermì
tant lì se mangia istèss come de chì
con pòcch danee e ris in quantità.
Per vèss on ottimista son sicur
de milanes a Milan ghe n’è ancamò
hinn bravi a preparà on bon risòtt
cazzoeula, on panatton e vin stracòtt.