di: F.Anselmo; A.Losi

Mama che mal, mama che mal
che mal de venter che senti mì
riva el dottor, el tocca on poo
e giò clisteri là là inscì
mama che brus, mama che brus
me senti el foeugh denter al bus
oh scior dottor cosa el m’ha faa?
Gh’hoo el magazzin tutt infiammaa!

Mama che mal, mama che mal
i mè dolor me passen mai
riva el dottor: “Mì gh’entri pù,
ormai l’è ròba de l’ospedal”.
Pronto soccorso: quanti dottor
Te palpen tutt, te tocchen su
te rigiren, te fann i laster
te sgigòtten come on pollaster.

Poeu tutt d’on tratt, senza dì nient
me senti on dit sòtta l’òss sant
oh che rugada, ma con riguard
con grand rispètt, sì, cont el guant….
Però però però però però

Passi in repart sòtta clisteri
canna longa e bògia gròssa
l’era quasi quasi on desideri
on desideri che ‘l me ingòzza
e va avanti inscì fin a quèll dì
che hann decis de lassam senza…
non pensavo a dire il vero
de risentì de la mancanza.

El dì radios del clisma opaco
che tubo grosso, ma che dottor
coi oeugg celeste, tant gentil
cont on bèll camice primaveril
“Lo tenga dentro, le faccio male?”
E non lo dica, scior dottor
e faccia pure quell che vuole…
ma che giornada, oh che ricòrd
che batticoeur, che batticoeur.

Adèss sto ben, son già guarii
me rèsta on hobby ben definii
e chi a la sera el voeur trovamm
in via Bocconi, giò dal tramm
duu pass a pee, la quarta pianta
in su la dèstra l’è tutta mia
se ghe son nò ciamem pur fòrt
col mè nòmm noeuv:
Maria, Maria, Maria…..