Stampa

di: Claudio Merli

 

E me rincrèss de bon
de avè perduu per strada
tutta la gent milanesa
che me piaseva incontrà
on poo per cicciarà
on poo per curiosità
de come se viveva
in del nòst Milan

Quand de sera
a l’era semper fèsta
de dent on osteria
insèma coi amis
se cantava
al son d’ona ghitarra
e se bagnava el gòzz
cont on biccer de vin.

A l’è rassegnazion
vedè Milan che ‘l cambia
vedè la gent che la sera
la gh’ha paura andà in gir.
Te rèsta ona canzon
on valzer per ricordà
de come se viveva
in del nòst Milan

Quand de sera
a l’era semper fèsta
de dent on osteria
insèma coi amis
se cantava
al son d’ona ghitarra
e se bagnava el gòzz
cont on biccer de vin.

Se viveva
in bòna compagnia
adèss l’è tutt cambiaa
e se viv malament.