di: Claudio Merli; Ugo Marino
Me pias cercà con tì
la giusta e sol manera
per ditt cont 'na paròla:
* Te voeuri tanto ben! *
Me pias cercà con tì
la primavera,
che fà fiorì sul mond
la giòia vera.
L'è bèll vedè spontà
la prima stèlla
che la risplend sul ciel
color carta morèlla.
L'è bèll coi oeugg avèrt,
per svariass via,
sognà come se fa
per slontanà l'arlìa.
Me pias cercà con tì
la gibigiana
che illumina de l'alt
duu coeur e 'na capanna.
Me pias con tì infin...
cercà l'amor eterno
e dòpo pù nagòtta
el cunta el rèst del mond.
L'amor eterno...
me pias cercal con tì!
