di: Giorgio Danese

Da quand te see con mì
me senti in paradis
me par on sògn mì ghe speravi pù.
Da quand te m’hee dii sì
hoo ritrovaa el sorris
e on aria noeuva de felicità.
L’ansia l’è sparida
mì me senti ingigantii
cambia la mia vita insèma a tì.
Hoo camminaa ‘me on matt
cont el mè coeur semper a tòcch
dormivi in sù i banchètt tutta la nòtt
sognavi la toa bocca profumada come on fior
e intant nasseva el nòster grand amor.

Da quand te see con mì
l’è bèll stà in la mia cà
el nòst’ amor ormai l’è ona realtà.
Da quand te m’hee dii sì
son diventaa on altr’ òmm
e vosi al mond la mia felicità.
Te voeuri tanto ben
te see la dòna del mè coeur
ringrazzi el ciel che te see insèma a mì
davanti a on bèll camin
mì te daroo on bèll basin
e giuraroo l’amor che gh’hoo per tì
mì te daroo on bèll fior
e insèma te daroo el mè coeur
quand saroo vègg te ghe saree anmò tì.
…

mì te daroo on bèll fior
e insèma te daroo el mè coeur
quand saroo vègg te ghe saree anmò tì.