di: L.Mangano; Desfy

Se la stòria che ve canti
pensii che l’è no sincera
beh, pensii come vorii,
ma v’el giuri che l’è vera:
la mia mama, pòra dòna,
la ballava col papà
la ballava la marurka
ma a poeu a mì lor m’hann ciamaa.

La mia mama la ballava
la ballava tutt el dì
tra i mestee e ona marurka
son nassuu mì
vegnii al mond l’è ona furtuna
el pericol l’è domà
qual è el nòmm che voeuren datt
quand te vègnen a pesatt.

M’hann ciamaa, sì, Marurchino
e i amis e ‘l parentado:
“Che bel nome ‘sto bambino,
nome raro, fortunato”
son staa pròppi fortunaa
quand ghe pensi, pòrca vacca,
che ‘l primm nòmm che hann pensaa
l’era Vario Migliavacca.

Sì, me ciami: Mazurchino
e ballà l’è el mè destin
pagament me pias el tango
e chì el ballom domà in trii
sì, me ciami Mazurchino
on quaivun me dis: Mazur
da ògni mal se pò guarì
dal mè nòmm guarissi pù.

musica

La mia mama, pòra dòna,
la ballava col papà
la ballava la mazurka
Mazurchino m’hann ciamaa
e poeu in fond l’è on nòmm simpatich
e me sont abituaa
Mazurchino, quand me ciamen
me par semper de ballà.
Mazurchino, quand me ciamen
me par semper de ballà.