di: Popolare

L’è trii dì che ‘l pioeuv e ‘l fiòcca
mè marì l’è no tornaa
ò che ‘l s’è sperduu in la fiòcca
ò che ‘l s’è desmentegaa.

Derva quèll uss, còrpo de biss
Derva quèll uss, sangu de biss
Derva quèll uss, Marianna.

Dove te see staa, còrpo de biss?
Dove te see staa, sangu de biss?
Dove te see staa, Martino?

Son staa al mercaa, còrpo de biss
Son staa al mercaa, sangu de biss
Son staa al mercaa, Marianna.

Cos’ t’hee compraa, còrpo de biss?
Cos’ t’hee compraa, sangu de biss?
Cos’ t’hee compraa, Martino?

On bèll cappèll, còrpo de biss
On bèll cappèll, sangu de biss
On bèll cappèll, Marianna.

Cos’ t’hee gh’hee daa, còrpo de biss?
Cos’ t’hee gh’hee daa, sangu de biss?
Cos’ t’hee gh’hee daa, Martino?

A gh’hoo daa cinch franch, còrpo de biss
A gh’hoo daa cinch franch, sangu de biss
A gh’hoo daa cinch franch, Marianna.

Te gh’hee daa tròpp, còrpo de biss!
Te gh’hee daa tròpp, sangu de biss!
Te gh’hee daa tròpp, Martino!

Son mì el padron, còrpo de biss
Son mì el padron, sangu de biss
Son mì el padron, Marianna.

Te doo on s’giaffon, còrpo de biss
Te doo on s’giaffon, sangu de biss
Te doo on s’giaffon, Martino.

Cià fèmm la pas, còrpo de biss
Cià fèmm la pas, sangu de biss
Cià fèmm la pas, Marianna.

Fèmm on ballètt, còrpo de biss
Fèmm on ballètt, sangu de biss
Fèmm on ballètt, Martino.

L’è trii dì che ‘l pioeuv e ‘l fiòcca
mè marì l’è tornaa a cà.
Per pù pèrdell in la fiòcca
Mì l’hoo saraa-sù in la cà.