di: Claudio Merli; Electric Light Orchestra

On mar d’idei e tanti progètt
de stòri e de ricòrd, ona cassina
ne la città che l’è Milan.
On sògn che riva de lontan
che ciappa i tradizion
e poeu ie mès’cia-sù
cont el futur e novità.
Par nanca vera che pròppi chì a San Sir
a gh’èmm el mar
la libertà de vèss e podè pensà
quèll che me par.

Gh’èmm el mar,
gh’èmm el mar e poeu  e poeu cos’è?
el mond inter.
Gh’èmm el mar,
gh’èmm el mar e poeu  e poeu cos’è?
el mond inter
on mar cultural urban
a l’è tutt per numm.

On sògn che adèss a l’è la realtà
ch’el guarda nò l’età, senza etichètta
sèmm tucc fradèi, sèmm tucc divèrs.
On sògn che on dì on napoletan
l’ha portaa su a Milan
l’era on idea adèss l’è el mar di milanes.

Par nanca vera che pròppi chì a San Sir
a gh’èmm el mar
la libertà de vèss e podè pensà
quèll che me par.

Gh’èmm el mar,
gh’èmm el mar e poeu  e poeu cos’è?
el mond inter.

Gh’èmm el mar,
gh’èmm el mar e poeu  e poeu cos’è?
el mond inter.
A gh’èmm el mar
mar cultural chì a Milan
A gh’èmm el mar
mar cultural a Milan
a Milan a Milan.