di: Aurelio Barzaghi

E ògni tant me piasaria vèss on negher
sì pròppi on negher de New Orleans
quèlI che canta quand ven giò la sera
con on ciel del color di blue jeans

E ògni tant me piasaria vèss on negher
si pròppi on negher de New Orleans
quèi che canta con la vos amara
con la luna nel Mississippi

E ona fila de gabbian a la lus del faro
ghe fann el còro
e ona fila de gabbian lì settaa sul molo
che picca i mann
e l'ombra del battèll
de centcinquant'ann faa la passa adasi adasi
per minga disturbà
e la fa ona scia bianca
che romp in milla tòcch la luna
me on biccer de cristall pien de stèll.

E ògni tant me piasaria vèss on negher
sì pròppi on negher de New Orleans
quèi che canta con la vos amara
cont i oeugg bianch nel biccer de gin
cont i oeugg bianch nel biccer de gin.