di: Alberto Bega

Madonina de tucc i meneghin
te guardet sta città dal campanin
sèmm come fioeu che voeuren vèss protètt
e gh’èmm de viv tranquill sòtta el tò tècc.
Sì, tra de numm gh’è el bon e gh’è el cattiv
l’onèst, el lader, ma tucc gh’èmm de viv
e la toa man sul coo de tutti numm
var nò ligà i violent, premià quèi bon.

Madonina de nòtt te lusisset istèss
la toa man l’è protesa sui giovin e sui vègg
per fà in manera che tanti bruttur
s’hinn cancellaa insèma al dolor;
te see la sentinèlla de Milan
e mamma che te guarda de lontan
da dusent ann te see sul campanin
regaligh el tò amor ai meneghin.

Madonina el ciel l’è già tutt gris
l’inverna milanes l’è giamò chì
la nèbbia te distes su sta città
compagn d’ona covèrta de broccaa
però on miracol tì te gh’hee de fà:
fà ritornà umana sta Milan
anca se parlen minga el meneghin
voeuren cantà per stà visin a tì.

musica

te see la sentinèlla de Milan
e mamma che te guarda de lontan
da dusent ann te see sul campanin
regaligh el tò amor ai meneghin:
da dusent ann te see sul campanin
regaligh el tò amor ai meneghin.