Stampa

di: Comolli N.; Bandirali R.

 

 

I mè amis hinn agitaa
tutti per andà a ballà stasera
perchè l’è la fin de l’ann
e con lee dovevi andà in balera!
Ma ier sera sèmm pientaa
e son stuff de sta saraa sù in cà!
Voraria andà in scimma al Dòmm
e me senti on pòver òmm!

Madonnina mì son chi
te see tutta sola come mì!
Voeuri rampegà fin lì
per brindà e per ballà con tì!
El tò vestii l’è de lamè,
elegante el riva fin ai pee!
Ma la verità l’è bèlla nò
voraria buttam giò…

A on tratt la m’ha ciamaa
e v’ el giuri l’era la soa vos!
E pian pian la m’ha parlaa
‘sti paròll podaroo mai scordà!
“Tanta gent l’è in de per lee
e se tutti fussen come tì
el saria el mond finii…
te convègn minga morì
torna a cà e va a dormì!

Son tornaa a cà pian pian…
la morosa l’era lì a spettamm:
on basin e tutt l’è cambiaa,
desmentegaa…
Stamattina el primm de l’ann
la mia vita la incomincia adèss
e me par de vègh vint’ann
lee la m’ha parlaa, son chì de gèss!
E pian pian l’è dree a fioccà
Con l’ombrèlla voraria vèss là,
riparalla da la nev
se te gh’e bisògn de mì
Madonnina, mì son chì!

Madonnina, mì son chì!