di: Luigi Carcano; Claudio Merli

L'ha faa ona vita con la sgagnosa
in d'ona via 'rent ai navili.
Fin de pinèlla el lavorava
a la giornada, ma con fadiga.
A l'è l'ultim bagatt de Milan!

E tira e tira... tira la lèsna.
Giustegh i scarp ai pòver e sciori.
E picca e picca e poeu ripicca,
cambia la soeula quand a l'è ròtta.
E 'na palanca non le mètt via.
Vèrs l'osteria varda 'me 'l tròtta,
la gola el bagna cont el barbera.
Là là là... se mètt a cantà!

Orca sibrètta! L'è 'na sciavatta!
Pòcch ghe n'impòrta, el giusta pur quèlla
L'età ghe pesa in sù la s'cèna.
El voeur la sposa, ma non la troeuva.
A l'è l'ultim bagatt de Milan!

'Me 'na poiana gh'è la miseria
ferma che spètta e ghe refila
el foeuj de via poeu che la vaga
in sù la forca e chi le manda...
A l'è l'ultim bagatt de Milan!