di: Giorgio Danese

‘me l’è bèll passeggià per i strad de la mia Lombardia
respirà l’aria frèsca e i sò fior, ma che bèlla poesia
hoo giraa tutt el mond, ma ve giuri
nel coeur mì gh’avevi stampaa el mè paes
son content de vèss chì coi amis a parlà in milanes.

Lombardia, gh’hoo chì i mè radis, voo pù via, sont innamoraa
gh’hoo i ricòrd, stanòtt hoo inventaa ona poesia
gh’hoo miss on sacch de passion per tì.

Quand me svegli
e vedi on veggètt pian pianin andà in gesa
l’è già festa, se sent i campann, ma che bèlla giornada
ciappi in man la ghitara e voo in strada,
me senti on poètta e canti a la gent
el dialètt el lombard el somiglia a on ciel blu seren.

Lombardia, te see tutta la vita mia sont innamoraa
gh’hoo i ricòrd, stanòtt hoo inventaa ona poesia
gh’hoo miss on sacch de passion per tì.

musica

Lombardia, te see tutta la vita mia sont innamoraa
gh’hoo i ricòrd, stanòtt hoo inventaa ona poesia
gh’hoo miss on sacch de passion per tì
gh’hoo miss on sacch de passion per tì.