di: Nino Rossi

La passava in Galleria
l'hoo guardaa, la m'ha guardaa
el mè coeur l'è saltaa via
e adree ghe sont andaa.
Svèlta l'haa voltaa on canton
hoo voltaa el canton con lee
poeu lee l'haa infilaa on porton e mì subit adree...

"E scior luu ch'el me disa che intenzion el gh'ha
perchè sappia che con mì gh'è nient de fà
sont an'mò al mè post,
gh'hoo nanca 40 ann
voraraa minga per caso violentamm?"
Se luu el desmett nò cont el sò atteggiament
vosi 'me 'na matta, ciami gent...
ch'el faga el bravo...me lassa stà?!
ch'el faga el bravo, ch'el vaga a cà".

L'haa infilaa ona scala scura
pass, passott mì ghe voo adree
l'haa dervii ona serradura
me son trovaa in cà con lee
la s'è disvestida svèlta
mì istess me son disvestii
la và sotta ona coverta
e sòtta voo anca mì...

Insòmma scior, el me disa che intenzion el gh'ha?
Ghe l'hoo giamò dii... con mì gh'è nient de fà
illibata sono e voraria restà amenochè, s'intende, mi violenterà
se però lo stupro luu el gh'ha in de la ment
mì ghe raccomandi, el faga nò el violent...
sia ciar però, mì vosaroo
e la gent mì ciamaroo".

In del scur lee la sospira
e sospiri mì con lee
passa inscì pussee d'on'ora
poeu la se leva in pee
la me guarda, mì ghe guardi
oramai a l'è on cliché
la me diss: "s'è fatto tardi" Mì ghe rispondi: "ecch"

"El me disa che intenzion el gh'hà scior luu
per combinazion el sarà minga on cuu?!
Sont an'mò al mè post gh'hoo giamò 40 ann
e spettarà minga i 50 a violentamm?!
Mì daccòrd allor foo finta de difend,
ma perbacco, luu ch'el sia intraprendent...
Su, tirel foeura fà nò el fatt se l'è mòll daghel al gatt!"

L'hoo capii cos'è che la intendeva lee
scatti 'me ona mòlla, salti in pee...
el tiri foeura, ròbb de matt
dov'è el gatt?
L'è on biscòtt pocciaa in del latt...