Stampa

di: Brambilla

 

 

Quand che se giuga a scopa ò a ciappà nò
gh’è semper malintes e qui pro quo
se vegn che te see fee mangià el sètt bèll
s’incendia el tò compagn ‘me on sofranèll.
La va a finì che volen paròll gròss
e salta foeura quèll che gh’è sul gòzz
e per avè giugaa ona carta mal
ven foeura ona tragedia nazional.

Cèrti discors me fann vegnì el magon
me ciappa on accident d’on soffegon
l’è mèj fà nanca finta de sto strazzi
se nò me incazzi, sì, se nò m’incazzi.
Ma guarda se hinn discors de famm a mì?
Se vun chì inscì el gh’ha tòrt, quèll te see tì
Fà nò el gandolla per pagà nò dazzi
se nò m’incazzi!
Sì? Me incazzi mì

La sòlita canzon, te voeuret vègh reson
te seet on accident d’on prepotent!
Ma sentel lì sto bròcch,
sta razza de pitòcch!
T’el disi in milanes:
va a quèll paes!

Con tì bisògna pròppi taccà lit
te seet on maledetto casciavitt!
Te branchi el croattin e te strapazzi
se nò m’incazzi!
No! Me incazzi mì.

Avègh el mezzo incoeu l’è on pont d’onor.
quand te see su, ue: te par de vèss on scior
E poeu te penset: mì giri ‘me on draghètt,
ma i alter l’è ona massa de interdètt.
Soltant che tanti vòlt, ròba de matt
con l’interdètt te vègnet a contatt
e « patas’cèmm » giboll e polveron
e tutt e duu che voeuren vègh reson.

Cèrti discors me fann vegnì el magon
me ciappa on accident d’on soffegon
l’è mèj fà nanca finta de sto strazzi
se nò me incazzi, si, se nò m’incazzi.
Ma guarda se hinn discors de famm a mì?
S
e vun chì inscì el gh’ha tòrt, quèll te see tì
Fà nò el gandolla per pagà nò dazzi
se nò m’incazzi!
Sì? Me incazzi mì

La sòlita canzon, te voeuret vègh reson
te seet on prepotent, brutt accident!
Ma sentel lì sto bròcch,
sta razza de pitòcch!
T’el disi in milanes:
va a quèll paes!

Con tì bisògna pròppi taccà lit
te seet on maledetto casciavitt!
Te branchi el croattin e te strapazzi
se nò m’incazzi!
No! Me incazzi mì.

Te branchi el croattin e te strapazzi
se nò m’incazzi!
No! Me incazzi mì.