di: Claudio Merli

L’è vera quèll che disen in television
ò hinn domà paròll traa lì per i cojon
sarà perchè che tucc i gh’hann reson
e giò cont i polèmich e coi soluzion
notizzi gramm che te fann scappà
la pòca voeuja de viv anmò che t’è restaa.

L’è vera me l’è vera che ne pòdi pù
de tutti sti campion che ciappen per el cuu
la pòra gent che la sa pù ‘me fa
a tirà innanz l’è dura tanto per cambià
paròll e poeu anmò di paròll
ghe doo pù nanca a traa e balli el rock and ròll.

musica

Eh sì l’è pròppi vera che ne pòdi pù
de tutti sti campion che ciappen per el cuu
la pòra gent che la sa pù ‘me fa
a tirà innanz l’è dura tanto per cambià
paròll e poeu anmò di paròll
ghe doo pù nanca a traa e balli el rock and ròll.