Stampa

di: Gianfranco Balestrini

 

 

L’è lunedì
e la sveglia l’è tornada a sonà
hinn già sètt or, me tocca leva sù
e andà a lavorà.
Che bèll saria
piantà tusscòss e andà ai Tropici
cont i amis in su la spiaggia a tampinà i tosann
e invece nò.

L’è lunedì, el tramm l’è pien de gent che sboffa
l’è lunedì e a tucc ghe tocca lavorà.

L’è lunedì
l’inizzi de la settimana
quand hoo finii faroo on saltin
da la mia mama.
Stasera poeu
me settaroo su l’ottomana
poeu guardaroo a la tv on quai programma
che pèna.

Quand hinn des or me son già bèll che indormentaa
l’è lunedì e doman se torna a lavorà. 

L’è martedì
la sveglia l’è lì ancamò a sonà
hinn già sètt or pòrca malora
devi pròppi andà.
Ma inveci de
Andà in offizzi voo a Malpensa
e ciappi el jet che ‘l va drizz alle Seychelles
che bèll.

L’è martedì e vedi giò Milan che ‘l corr
poeu la spariss e in mèzz ai nivol filtra el sô.
Martedì e me interèssa on accident
Lunedì e mì me ‘n frega pròppi nient.

musica

Oggi potrebbe fermarsi un’ora in più che dobbiamo finire la verifica?
Ma va a quèll tal paes tì e la verifica!

Alt! Qui non si può parcheggiare: zona di carico e scarico.
Sent: quèsti hinn i ciav, quèsta l’è la macchina, parcheggiala tì, balobba.

Carissimi collaboratori: oggi dobbiamo definire la strategia di marketing più appropriata per incentivare il consumo dei nostri prodotti e aumentare la produzione…. Bla bla bla bla…..