Stampa

di: Luigi Carcano; Claudio Merli

 

 

L'è fòrsi on sògn,
on sògn d'amor,
che in del profond
el corr el corr, el corr el corr.
E intanta la fantasia
con lee la me pòrta via.

Oh luna ciara
gèmma turchesa
tra stèll e stèlla
in ciel sospesa.
Ben volentera
longh i navili
scolti stasera
i tò consili.

Dimm 'na paròla
che me consola
e sarà quèsta
che in coeur me rèsta.
La nostalgia
la me tormenta
con la tristèzza
la me carèzza.

L'è fòrsi on sògn, l'è fòrsi on sògn
pien de magon, pien de magon
fòrsi on bisògn
de protezion, de protezion
Oh trista malinconia
de mì sta lontan va via.

musica

Dimm 'na paròla
che me consola
e sarà quèsta
che in coeur me rèsta.
La nostalgia
la me tormenta
con la tristèzza
la me carèzza.